Pointe Tataa

Tata’a o te vahi rereraa varua

I roto i na poro e toru o te ao maohi, mai rapa nui, moti tia atu i te fenua vaihi, e mai te fenua vaihi moti tia atu i aotearoa aita paha e vahi e aita to reira e vahi rereraa no te mau varua, i Tahiti nei, te vai nei te tahi vahi rereraa Varua e ua tuî to’na parau, e tei Faa’a nei taua vahi ra, i nia i te aivi no Fanatea, te vahi o te parau atoa hia te outu no Tata’a, aore ra, te hiù o Tata’a.
I nia i taua otùe ra i vai na i reira e piti naù ofai o tei parauhia te Ofai ora e te ofai pohe, parau atoa hia na ofai, e naù ofai tauraa varua.
I roto i te faatia raa a te feia i tahito ra no te parau ô na ofai ra, ten a ô nei ratou e, e ia fatata anae te tahi taata i te mate, e faaruè te varua i te tino, e e mauè atu te varua i nia i te aivi no Fanatea i tata’a e ia tau anae taua varua ra i nia i te ofai Ora, e ora faahou mai taua taata ra o tei fatata roa hoi i te pohe, aita ihoa ia i tae atura i to na hora ia tau ra hoi i nia i te ofai no te pohe e pohe ia taua taata ra o tei fatata roa hoi i te pohe, aita ihoa ia i tae atura i to’na hora, ia tau ra hoi i nia i te ofai no te pohe e pohe ia taua taata ra.
I reira ia to’na varua e faaineine ai ia’na no te haere atu i te rohotu noanoa.
No reira, mai te tau mai a o to tatou mau tupuna, e vahi faatura hia teie e te matàu atoa hia.
Teie te paripari no teie vahi « E nia mau ra i Fanatea ra ua hotaratara te mana’o e, e vahi haruraa varua i te pô, paaina te miti i veo ra e.

Bruno LEON

« Ia vai noa oia i roto i tona heeuri, tona hanahana e tona moàraa »
Matarau TEAMOTUAITAU, Atitià, Moorea, I te 6 no atopa 2007.

« Ia ore tatou e paruru ia Tataa, te faataa-ê ra ia tatou i to tatou fenua »
Mape TEIHOTAATA, Atitià, Moorea, i te 6 nö atopa 2007.

« Aménager Taata, c’est nous dépouiller de notre âme »
Jean KAPE, FIPPAC, Outumaoro, le 30 août 2007.